Det er gjort endringar på fleire bussruter i Sogn frå 24. juni. Under følgjer ei oversikt over endringane.
Ruteendringar i Indre Sogn:
Frå måndag 24. juni er det endringar på fleire bussruter til og frå Sogndal, Mannheller, Fodnes, Lærdal og Øvre Årdal.
Dei fleste endringane er justeringar som følgje av at VY endrar rutetidene for ekspressbussruta VY450 mellom Sogndal og Bergen, samt opprettinga av nye Sognefjordsekspressen med Nor-Way Bussekspress.
Kringom justerer rutetidene for å vareta lokale reisebehov, samtidig som ein får korrespondanse med nokre av ekspressbussavgangane.
Full oversikt over endringane finn du ved å klikke her.
Kringom set opp følgjande nye avgangar:
- DX67 - Frå Sogndal skysstasjon kl. 07.55 til Lærdal rådhus, ankomst kl. 08.43.
- DX67 – Frå Lærdal rådhus kl. 10.25 til Lærdal sjukehus, ankomst kl. 10.30.
- DX67 – Frå Mannheller kl. 15.38 til Sogndal skysstasjon, ankomst kl. 15.55.
- Søndag – Frå Lærdal rådhus kl. 19.20 til Sogndal skysstasjon, ankomst kl. 20.15.
- Søndag – Frå Øvre Årdal Farnes kl. 09.25 til Fodnes, ankomst kl. 10.12.
- Søndag - Frå Øvre Årdal Farnes kl. 11.25 til Fodnes, ankomst kl. 12.10.
- Søndag – Frå Fodnes kl. 10.18 til Øvre Årdal Farnes, ankomst kl. 11.03.
Ruteendringar til/frå Vik-Vinje-Voss frå 24. juni
Frå måndag 24. juni er det endringar på to bussruter mellom Vik og Vinje.
Endringane vart gjort i samband med at Vy frå same dato gjer endra rutetider og rutemønster for ekspressbussruta VY450 mellom Bergen og Sogndal.
Avgangen frå Vangsnes ferjekai kl. 08.43 på kvardagar blir forlenga, slik at den frå 24. juni går heilt til Voss. Ankomst Voss er kl. 10.25. Det går tog vidare frå Voss kl. 10.39 til Bergen. Merk at avgangstid frå Vik er endra frå kl. 09.05 til kl. 09.00.
Avgangen frå Vinje kl. 11.20 på kvardagar vil no starte på Voss. Avgangstid frå Voss vert kl. 12.25, frå Vinje kl. 12.50, med ankomst i Vik kl. 13.43. Det kjem tog til Voss kl. 12.16 frå Bergen.
Ruteendring Sogndalsringen frå 24. juni
Frå måndag 24. juni justerer vi rutetida på følgjande avgang med Sogndalsringen mellom Sogndal og Kaupangerskogen:
Avgangen frå Sogndal skysstasjon kl. 15.45 vert flytta til kl. 15.30. Også rutetida frå Fosshaugane er framskunda med 15 minutt, med ny avgangstid kl. 15.25.
Justeringa vert gjort for at reisande på gjennomreise skal sleppe unødvendig venting.
Frå før er avgangen frå Sogndal skysstasjon kl. 14.25 flytta til 14.30. Dette er gjort for å sikre at passasjerar med korresponderande ruter rekk avgangen.
